எகிறிய ஜிஎஸ்டி வரி வசூல்.. தொடர்ந்து 3 மாதங்களாக அமோகம்!

by -34 views

ஹைலைட்ஸ்:

  • தொடர்ந்து மூன்றாவது மாதமாக 1 லட்சம் கோடிக்கு மேல் வசூல்
  • செப்டம்பர் மாத ஜிஎஸ்டி வசூல் விவரங்கள்

தொடர்ந்து மூன்றாவது மாதமாக செப்டம்பர் மாதத்திலும் ஜிஎஸ்டி வசூல் 1 லட்சம் கோடி ரூபாயை தாண்டியுள்ளதாக நிதியமைச்சகம் தகவல் வெளியிட்டுள்ளது. செப்டம்பர் மாதம் ஜிஎஸ்டி வசூல் 1.17 லட்சம் ரூபாயாக இருந்துள்ளது.

கடந்த ஆண்டு செப்டம்பர் மாதத்துடன் ஒப்பிடும்போது கடந்த செப்டம்பரில் வசூலான ஜிஎஸ்டி வருவாய் 23 விழுக்காடு உயர்ந்துள்ளது. நிதியமைச்சகம் வெளியிட்டுள்ள அறிக்கையில், “செப்டம்பர் மாதம் மொத்த ஜிஎஸ்டி வருவாய் 1,17,010 கோடி ரூபாய்.

இதில் மத்திய ஜிஎஸ்டி 20,578 கோடி ரூபாய், மாநில ஜிஎஸ்டி 26,767 கோடி ருபாய், ஒருங்கிணைந்த ஜிஎஸ்டி 60,911 கோடி ரூபாய். செஸ் வரி வசூல் 8,754 கோடி ரூபாய்” என்று தெரிவித்துள்ளது.

சிறு சேமிப்புத் திட்டங்களுக்கு வட்டி.. அரசின் புதிய அப்டேட்!
செப்டம்பர் மாதம் இறக்குமதி வாயிலான வரி வருவாய் 30 விழுக்காடு உயர்ந்துள்ளது. உள்நாட்டு பரிவர்த்தனைகள் வாயிலான வருவாய் 20 விழுக்காடு உயர்ந்துள்ளது.

பொருளாதார வளர்ச்சி, வரி ஏய்ப்புக்கு எதிரான தடுப்பு நடவடிக்கைகள், போலி பில்களுக்கு எதிரான நடவடிக்கைகள் ஆகியவற்றால் ஜிஎஸ்டி வசூல் உயர்ந்துள்ளதாகவும், வருவாய் உயர்வு தொடர்ந்து நீடிக்கும் என எதிர்பார்க்கப்படுவதாகவும் நிதியமைச்சகம் தெரிவித்துள்ளது.

Leave a Reply

Your email address will not be published. Required fields are marked *