உள்நாட்டு உற்பத்தி… தமிழ்நாட்டுக்கு பின்னடைவு!

by -36 views

இந்தியாவின் மொத்த உள்நாட்டு உற்பத்தி விவரங்களையும், மாநில வாரியாக உள்மாநில உற்பத்தி விவரங்களையும் மத்திய ரிசர்வ் வங்கி வெளியிட்டுள்ளது. அதன்படி, 2020-21ஆம் ஆண்டில் இந்தியாவின் மற்ற அனைத்து மாநிலங்களையும் பின்னுக்குத் தள்ளி மேற்கு வங்கம் முதலிடம் பிடித்துள்ளது. அந்த மாநிலத்தின் மொத்த உள்மாநில உற்பத்தி வளர்ச்சி 7.1 சதவீதமாக இருந்துள்ளது. அதேநேரம் தமிழகத்தின் உள்மாநில உற்பத்தி 5.2 சதவீதம் மட்டுமே வளர்ச்சி கண்டுள்ளது.

கர்நாடக மாநிலத்தின் வளர்ச்சி 1.6 சதவீதமாக இருக்கிறது. மாநிலங்களின் உற்பத்தி அதிகரித்திருந்தாலும் ஒட்டுமொத்தமாக இந்தியாவின் உள்நாட்டு உற்பத்தி சென்ற நிதியாண்டில் 3.9 சதவீத வீழ்ச்சியைச் சந்தித்துள்ளது. இந்தியாவின் 12 மாநிலங்கள் எதிர்மறை வளர்ச்சியைச் சந்தித்ததால் இந்த விளைவு ஏற்பட்டுள்ளது. உத்தரப் பிரதேசம், மத்தியப் பிரதேசம், ஹரியானா உள்ளிட்ட பெரிய மாநிலங்கள் கூட உள்மாநில உற்பத்தியில் மோசமான செயல்பாட்டைக் கொண்டுள்ளன. கொரோனா ஊரடங்கு போன்ற பிரச்சினைகள் இதற்குக் காரணமாக இருக்கலாம்.

தங்கம் விலை: நகை வாங்கப் போறீங்களா? ரேட் இதுதான்!

உத்தரப் பிரதேசம் 0.4 சதவீத வீழ்ச்சியையும், மத்தியப் பிரதேசம் 4.7 சதவீத வீழ்ச்சியையும், ஹரியானா 3.2 சதவீத வீழ்ச்சியையும் பதிவுசெய்துள்ளன. 2020-21 நிதியாண்டில் மேற்கு வங்கம், சிக்கிம், பீகார், திரிபுரா ஆகிய மாநிலங்கள் மட்டும்தான் மொத்த உள்மாநில உற்பத்தியில் குறிப்பிடத்தகுந்த வளர்ச்சியைப் பதிவுசெய்துள்ளதாகவும், கொரோனா பாதிப்புகள் இருந்தாலும் இந்த மாநிலங்கள் நல்ல முன்னேற்றம் கண்டுள்ளதாகவும் நிதி ஆயோக் தலைமைச் செயலதிகாரி கூறுகிறார். மேற்கு வங்க மாநிலத்தின் மொத்த உள்மாநில உற்பத்தி மதிப்பு ரூ.13.7 லட்சம் கோடியாக இருந்துள்ளது.

Leave a Reply

Your email address will not be published. Required fields are marked *