உங்களை லட்சாதிபதியாக்கும் போஸ்ட் ஆபீஸ் திட்டம்!

by -28 views

பணத்தைச் சம்பாதிப்பதை விட அதைச் சேமிப்பது மிக முக்கியமான ஒன்றாகும். நிகழ்காலத்தில் அனைத்தையும் செலவு செய்துவிட்டு எதிர்காலத்தில் அவசரத் தேவைக்கு ஒன்றும் இல்லாத நிலை ஏற்படாமல் இருக்க சேமிப்பு அவசியம். அதுவும் கொரோனா வந்த பிறகு சேமிப்பு மற்றும் அவசர காலத்துக்கான பணத் தேவை குறித்து பலர் புரிந்துகொண்டுள்ளனர். பங்குச் சந்தை போன்றவற்றில் முதலீடு செய்யலாம். ஆனால் அவற்றில் ரிஸ்க் அதிகம் உள்ளது. ரிஸ்க் அதிகம் இருந்தால் லாபமும் ரிட்டனும் அதிகம் கிடைக்கும்.

ரிஸ்க் எதுவும் இல்லாமல் பாதுகாப்பான முதலீட்டைத் தேர்ந்தெடுப்பவர்களுக்கு தபால் நிலையங்கள் சிறந்த தேர்வாக இருக்கும். சேமிப்பில் ஈடுபடுபவர்களுக்காகவே இந்திய தபால் துறை சிறப்பான திட்டங்களைச் செயல்படுத்தி வருகிறது. வங்கிகளுக்கு ஈடாக, தபால் நிலையங்களிலும் நிறைய சேமிப்புத் திட்டங்கள் செயல்படுத்தப்பட்டு வருகின்றன. அரசின் உத்தரவாதத்துடன் செயல்படும் இத்திட்டங்களில் நல்ல வட்டி லாபமும் கிடைக்கிறது. நீண்ட கால அடிப்படையில் அதிக வருமானத்தை ஈட்ட முடியும்.

போஸ்ட் ஆபீஸ் சேமிப்பு… இதுல பணம் போட்டால் நல்ல லாபம்!
தபால் நிலையங்களில் செயல்படுத்தப்பட்டு வரும் சேமிப்புத் திட்டங்களில் மிக முக்கியமான திட்டம் ரெக்கரிங் டெபாசிட் திட்டம். இத்திட்டத்தின் கீழ் நிலையான வட்டி வருமானம் கிடைப்பதோடு சேமிப்புப் பணமும் பாதுகாப்பாக இருக்கும். மாதத்துக்கு ரூ.10,000 வரையில் சேமித்து குறுகிய காலத்தில் பல லட்சங்கள் சம்பாதிக்க முடியும். இத்திட்டத்தின் முதிர்வு காலம் 5 ஆண்டுகள் ஆகும். நீங்கள் விரும்பினால் அடுத்த 5-5 ஆண்டுகளுக்கு நீட்டித்துக்கொள்ளலாம்.

நீங்கள் ஒவ்வொரு மாதமும் 10,000 ரூபாய் சேமித்தால் 10 ஆண்டுகளில் 5.8 சதவீத வட்டியில் உங்களுக்கு முதிர்வுத் தொகையாக ரூ.16.28 லட்சம் கிடைக்கும்.

Leave a Reply

Your email address will not be published. Required fields are marked *