இறந்த பிறகு ஆதார், பான் கார்டு என்ன ஆகும்?

by -111 views

இந்தியர்கள் அனைவருக்குமே ஆதார் என்பது கட்டாயமான ஒன்றாகும். ஆதார் இல்லாமல் அரசின் மானியம், உதவித் தொகை போன்ற எதுவுமே கிடைக்காது. இந்தியாவில் உயிர்வாழ வேண்டுமானால் ஆதார் கார்டு இருந்தால்தான் இருக்க முடியும் என்ற நிலைமை கிட்டத்தட்ட வந்துவிட்டது. அந்த அளவுக்கு ஆதார் கார்டு மிக முக்கியமான ஆவணமாக உள்ளது. அதேபோல, பான் கார்டும் மிக முக்கியமான ஆவணமாகும். வருமான வரி தொடர்பான விஷயங்களுக்கு பான் கார்டு அவசியம். பணப் பரிவர்த்தனை மற்றும் வங்கிகளிலும் பான் கார்டு முக்கியமான ஆவணமாக உள்ளது.

ஒருவர் உயிரிழந்துவிட்டால் அவரது பான் கார்டும் ஆதார் கார்டும் என்ன ஆகும் என்று யோசித்தது உண்டா?

வருமான வரித் தாக்கலுக்கு பான் கார்டு கட்டாயம் என்பதால் உயிரிழந்தவருக்கு வரவேண்டிய வருமான வரி ரீஃபண்ட் வந்துவிட்டதா என்று பார்க்க வேண்டும். அவரது வங்கிக் கணக்கில் ரீஃபண்ட் தொகை செலுத்தப்பட்டிருக்க வேண்டும். அப்படி வந்திருந்தால் அந்த பான் கார்டை இறப்புக்குப் பின்னர் வருமான வரித் துறையிடம் சரண்டர் செய்துவிடலாம். அதற்கு ஒரு விண்ணப்பத்தை பூர்த்தி செய்து வழங்க வேண்டும்.

Gold rate: கொடூரமாக உயர்ந்த தங்கம் விலை!!

பான் எண், பிறந்த தேதி போன்ற விவரங்களை நிரப்பி பான் கார்டை சரண்டர் செய்ய வேண்டும். இறந்தவரின் பான் கார்டை சரண்டர் செய்ய வேண்டும் என்பது கட்டாயம் இல்லை. தேவைப்பட்டால் வைத்துக்கொள்ளலாம்.

ஆதார் கார்டைப் பொறுத்தவரையில், இறந்தவரின் ஆதார் கார்டை ரத்து செய்வது தொடர்பான விதிமுறை இன்னும் அமலுக்கு வரவில்லை. இறந்தவரின் ஆதார் எண்ணை இன்னொருவருக்கும் வழங்க இயலாது. ஒருவருக்கு மட்டுமே ஒரு எண் வழங்கப்படும். இறப்புச் சான்றிதழுடன் ஆதாரை இணைத்துவிடலாம். இதன் மூலம் இறந்தவரின் ஆதார் கார்டை வேறு யாராவது தவறாகப் பயன்படுத்துவதைத் தடுக்கலாம்.

Leave a Reply

Your email address will not be published. Required fields are marked *