இந்தியா – அமெரிக்கா தகராறு.. முட்டை விலை உயரப்போகுது!

by -18 views

ஹைலைட்ஸ்:

  • இந்தியா – அமெரிக்கா வர்த்தக தகராறு
  • விரைவில் முட்டை விலை உயர வாய்ப்பு

வரும் நாட்களில் அமெரிக்காவில் முட்டையின் விலை அதிகரிக்கும் என எதிர்பார்க்கப்படுகிறது. ஏனெனில், இந்தியாவுக்கும், அமெரிக்காவுக்கும் இடையே வர்த்தக தகராறு உருவாகியுள்ளது.

அமெரிக்காவின் ஆர்கானிக் சோயா உணவு தேவையில் 40 விழுக்காட்டை இந்தியா உள்ளிட்ட தெற்காசிய நாடுகள்தான் பூர்த்தி செய்கின்றன. இந்த சோயா உணவுகள்தான் அமெரிக்காவில் உள்ள பண்ணைகளில் கோழிகளுக்கு உணவாக வழங்கப்படுகிறது.

இந்தியா தனது சோயா பொருட்களை குறைந்த விலைக்கு அமெரிக்காவில் குவித்து வருவதாகவும், இதனால் அமெரிக்காவிலேயே சோயா பொருட்களை உற்பத்தி செய்யும் நிறுவனங்கள் பாதிக்கப்படுவதாகவும் அமெரிக்க அரசிடம் புகாரளிக்கப்பட்டுள்ளது.

Swiggy, Zomato ஆர்டர்களுக்கு ஜிஎஸ்டி.. பெட்ரோல் விலை குறைப்பு.. ஜிஎஸ்டி கவுன்சில் அஜெண்டா!
இதுகுறித்து தற்போது அமெரிக்க அரசு விசாரணை நடத்தி வருவதாக தெரிகிறது. இந்தியாவின் சோயா பொருட்கள் அமெரிக்காவில் குவிக்கப்படுவதாக தெரியவந்தால், இந்தியாவின் சோயா பொருட்கள் மீதான வரியை அமெரிக்கா உயர்த்துவதற்கு வாய்ப்புகள் அதிகம்.

இதனால் அமெரிக்க நிறுவனங்கள் பாதிக்கப்படாமல் பாதுகாக்கப்படும். ஆனால், அமெரிக்க சோயா பொருட்களின் விலை அதிகமாக இருப்பதால் கோழி பண்ணைகளால் அதை சமாளிக்க முடியாது என எதிர்பார்க்கப்படுகிறது. எனவே, அமெரிக்காவில் முட்டைகளின் விலை உயர வாய்ப்புள்ளதாக கூறப்படுகிறது.

Leave a Reply

Your email address will not be published. Required fields are marked *