அந்நிய முதலீடுகளை அதிகமாக ஈர்த்த இந்தியா!

by -55 views

சர்வதேச அளவில் அந்நிய நேரடி முதலீடுகளை ஈர்ப்பதில் இந்தியா சமீப காலமாக ஆதிக்கம் செலுத்துகிறது. எளிதாகத் தொழில் தொடங்கும் அம்சங்களை மேலும் எளிதாக்குவது, முதலீட்டுக் கொள்கைகளைத் தளர்த்துவது போன்ற நடவடிக்கைகளில் ஈடுபட்டு வருகிறது. இதனால் அந்நிய நேரடி முதலீடுகளை ஈர்ப்பதில் இந்தியா ஒவ்வொரு மாதமும் கணிசமான முன்னேற்றத்தைக் கண்டு வருகிறது. மத்திய வர்த்தக மற்றும் தொழில் துறை அமைச்சகம் வெளியிட்டுள்ள அறிக்கையின்படி, 2021ஆம் ஆண்டின் ஏப்ரல் முதல் ஜூலை வரையிலான நான்கு மாதங்களில் மட்டும் இந்தியா மொத்தம் 20.42 பில்லியன் டாலர் முதலீடுகளை ஈர்த்துள்ளது.

சென்ற ஆண்டின் இதே காலத்தில் இந்தியா ஈர்த்த முதலீடுகளின் மதிப்பு 9.61 பில்லியன் டாலர் மட்டுமே. இதன் மூலம் இந்தியா 112 சதவீத வளர்ச்சியைப் பதிவு செய்துள்ளது. இந்தியாவில் குவிந்த அந்நிய நேரடி முதலீடுகளில் ஆட்டோமொபைல் துறையில்தான் அதிகளவில் முதலீடு செய்யப்பட்டுள்ளது. இத்துறை ஒட்டுமொத்த முதலீடுகளில் 23 சதவீதப் பங்களிப்பைக் கொண்டுள்ளது. ஆட்டோமொபைல் துறையைத் தொடர்ந்து கணினி மென்பொருள் & வன்பொருள் துறை 18 சதவீதமாகவும், சேவைகள் துறை 10 சதவீதமாகவும் இருந்துள்ளன.

PF எச்சரிக்கை… உடனே இந்த வேலையை முடிங்க!
மாநில வாரியாகப் பார்த்தால், கர்நாடக மாநிலத்தில்தான் அதிகளவு அந்நிய நேரடி முதலீடுகள் குவிந்துள்ளன. ஒட்டுமொத்த முதலீடுகளில் கர்நாடகா மட்டும் 45 சதவீதப் பங்களிப்பைக் கொண்டுள்ளது. அதைத் தொடர்ந்து மகாராஷ்டிரா 23 சதவீதத்தையும், டெல்லி 12 சதவீதத்தையும் கொண்டுள்ளன. அந்நிய நேரடி முதலீடுகளை ஈர்ப்பதற்காக கொள்கைகளைத் தளர்த்துவது, துறைகளை விரிவுபடுத்துவது போன்ற நடவடிக்கைகளால்தான் அந்நிய முதலீடுகள் தொடர்ந்து அதிகரித்து வருவதாக அரசு தரப்பில் கூறப்பட்டுள்ளது.

Leave a Reply

Your email address will not be published. Required fields are marked *